طوق الياسمين: اإيناس إيناس

اإيناس إيناس ....

.....   (الزمان) بالدارجه المغربيه قصه بقلمي و مع الأمازيغيه

في اجبال (إدرار) الاطلس كان تيعيش حمو مع مرتوا وليداتوا بربعه

كان تفلح بلادوا اللي في هبطة الجبل , تفلح الشعير و الخضره , و تجني اللوز و الزيتون .

حمو (ارجاز ) شيخ ( امغار ) كبر قبل الوقت , المحاين و كثرة الهم , زيدها الخدمه من الستة ديال الصباح , و قلة الشي تترشىي ,

أما مراتوا ( تمغارت) شامه فكانت في الثلاتينات , لكنها نحيفه و بيضاء , و في وجهها وشمه , وشمة الزين (ايفولكي) , هي حادكه , هازه (تكمي ) على راسها , تتحطب تتسكي الماء (دامان) . تطيب( اغروم) الخبز .تطحن أركان , و تتصايب أملوا , كسكسوا من الشعير و و تتسرح المعزات اللي كانوا عندهم و تتحلبهم للحليب ( تيغر )

كيما تيكولوا (امرة زمونيه) , و حمو هو و ووليداتوا و كان تيعيش هاني

ما عندوش ما خاصوش , قانع بلي كتب الله 

حتى جاء واحد النهار

,. في أيام البرد القارس (اصميد) و الشتاء , حيث طاح الثلج ,. و تسدت الطرقان , حيث حملوا الويدان , و تكفس الحال , الوليدات ما قدروش يمشوا المدرسه _ البرد , الشتا _و الحال بدا يصعاب , الثلج غطى المكان , حتى الفلاحه ما قدرش حمو يزاولها ,.

خدات شامه طروفا ديال الثلج ووظعتهم في المقراج , باش تصايب أتاي , و خرجت شويه ديال أملوا , (أغروم) الخبز و عيطت لوليداتها باش يتعاشوا و

:

ا(تفرخوت اافروخ ) ( أشكيد أشكيد ) أولادي أجيوا تعاشوا

و جلسوا حول الطابله ليتعشاوا

و هنا نظرت لحموا أللي كان حاط يدوا على وجهوا تخمم , و كالت ليه ك

حمو ما ( تسكرت) اش تدير 

جاوبها :

(مايا) والوا شامه ( نكين) انا تنفكر (ار زروغ تونكيمت انو )

(ارجاز اشكيد تنمي ) ا رجل اجي تعشى

تنهد حمو و و كاليها :

والوا (تمغارت) ما في ما ناكل راه قلبي عامر و طايب , الحاله ضعيفه و ما باقت عندي 

(اداوز) صحه باش نقاوم( تنازبيات) الزمان (ايناس) , و هنا تذكر أغنية رويشه و بدا يغنيها

ك

ورساري توطيت انمون اناس اناس = يا ايها الزمان لماذا لا تنتظرني

مايريح مايريخ أثاسيخ إزمان = ماذا عساي أفعل للزمان

اسينغا اسينغا القنض اباعدي اوبريد دوسمون = اشتقت للحبيب والطريق اليه بعيدة

ايناس ايناس مايريخ أثاسيخ إزمان = قل له قل له ماذا عساي أفعل للزمان

نك ايا يتما ايستهل ما ديتمون = انا يا اخوتي استحق الرفقة

ايناس انياس ا بابا = قل له قل له يا ابي

مايريح مايريخ أثاسيخ إزمان = ماذا عساي أفعل للزمان

و سكت , و نزلت دموع من عينيه , و كال

:

( تامدورت ) الحياه صعيبه ( تالوفت تالوفت ) مشكله

ناضت تتجري حداه , خادت زيفها و مسحت دموعوا و كالتلوا

:

ارجى في الله ايزوار , الله )ايزدار) قادر يبدل حال من حال . الله قادر يحيد (تومريتين) المصايب .

سمي الله ( انزور مولانا)و حمد الله و نسى الاوقات ( ايزلغت) الحزينه كن قوي و تشبت بالامل ( ايسرم)

عطيني ( افوس) يديك و توكل على الله , دابا ربي يفرج .و يجي ربيع (تافسيويت) الربيع و يزيان الحال و تنور الانوار (تيفاوين) .

و صاحت فرحانه :

الحياه زوينه (تامدوت ايفولكي) . (تايري تايري ) حمو 

وشاف فيها و بدا يهدا . بكلماتها و اطمئن و احمد الله ) تانميرت ربي)

بقلم: طوق الياسمين

إسبانيا

صفحة الفيس بوك : طوق الياسمين